धानाला Bonus देण्याबाबत राज्य सरकार Positive; CM देवेंद्र फडणवीस यांची विधानसभेत घोषणा....आमदार सुधीर मुनगंटीवार यांच्या सातत्यपूर्ण पाठपुराव्याला यश
चंद्रपूर : देवेंद्र फडणवीस यांनी विधानसभेत (Assembly) राज्यातील धान उत्पादक शेतकऱ्यांसाठी (Paddy Farmers) मोठी घोषणा करत Bonus (प्रोत्साहनपर रक्कम) देण्याबाबत राज्य शासन सकारात्मक असल्याचे स्पष्ट केले.
या संदर्भातील निकष (Criteria) निश्चित करण्याची प्रक्रिया सुरू असून लवकरच अंतिम निर्णय जाहीर करण्यात येईल, असे त्यांनी सभागृहात सांगितले. या निर्णयामुळे राज्यातील लाखो शेतकऱ्यांना मोठा दिलासा मिळण्याची शक्यता आहे.
अर्थसंकल्पीय अधिवेशनादरम्यान सुधीर मुनगंटीवार यांनी लक्षवेधी सूचना (Calling Attention) उपस्थित करत धान उत्पादक शेतकऱ्यांच्या समस्या ठळकपणे मांडल्या. वाढलेला उत्पादन खर्च (Production Cost), नैसर्गिक आपत्ती (Natural Calamities) आणि बाजारभावातील अस्थिरता (Market Fluctuation) यामुळे शेतकरी आर्थिक अडचणीत सापडल्याचे त्यांनी नमूद केले.
अधिवेशनाच्या अंतिम आठवड्यात चर्चेला उत्तर देताना मुख्यमंत्र्यांनी मुनगंटीवार यांच्या मागणीची दखल घेत राज्य शासन Paddy Bonus ( धान बोनस ) देण्याच्या निर्णयाबाबत Positive असल्याचे जाहीर केले.
सुधीर मुनगंटीवार यांनी विशेषतः चंद्रपूर, गडचिरोली, भंडारा आणि गोंदिया या धान उत्पादक जिल्ह्यांतील शेतकऱ्यांच्या समस्या सातत्याने मांडल्या होत्या. त्यांनी मुख्यमंत्र्यांची प्रत्यक्ष भेट घेऊन निवेदने सादर करत शेतकऱ्यांच्या अडचणींची सविस्तर माहिती दिली होती.
या सातत्यपूर्ण पाठपुराव्यामुळे राज्य शासनाने या प्रश्नाची गांभीर्याने दखल घेतली असून Paddy Bonus Decision ( धान बोनस निर्णय ) बाबत सकारात्मक भूमिका जाहीर केली आहे.
या निर्णयामुळे विशेषतः विदर्भातील (Vidarbha Region) धान उत्पादक शेतकऱ्यांना मोठा आर्थिक आधार मिळण्याची अपेक्षा असून त्यांच्या संघर्षाला न्याय मिळण्याच्या दिशेने महत्त्वाचे पाऊल उचलले गेले आहे.