केंद्रीय शिक्षण मंत्री धर्मेंद्र प्रधान यांनी आपल्या पदाचा राजीनामा दिल्यानंतर दिल्लीतील जंतर-मंतरवर सुरू असलेल्या आंदोलनाला मोठे यश मिळाल्याची प्रतिक्रिया व्यक्त होत आहे. मात्र, कॉकरोच जनता पार्टी (CJP) चे संस्थापक अभिजित दीपके यांनी आंदोलन थांबणार नसल्याचे स्पष्ट करत केंद्र सरकारसमोर आणखी दोन महत्त्वाच्या मागण्या ठेवल्या आहेत.
NEET परीक्षा प्रकरण आणि परीक्षा व्यवस्थेतील कथित अनियमिततेबाबत धर्मेंद्र प्रधान यांचा राजीनामा व्हावा, अशी CJP ची भूमिका होती. राजीनाम्यानंतर आंदोलन संपुष्टात येईल, अशी चर्चा सुरू असतानाच दीपके यांनी आंदोलन पुढेही सुरू राहणार असल्याचे जाहीर केले.
आंदोलनस्थळी उपस्थित विद्यार्थ्यांना संबोधित करताना अभिजित दीपके म्हणाले, "तरुणांच्या एकजुटीसमोर सरकारला झुकावे लागले. हा विद्यार्थ्यांच्या लढ्याचा विजय आहे. मात्र आमच्या मागण्या अद्याप पूर्ण झालेल्या नाहीत."
CJP च्या प्रमुख मागण्या
- - NEET आणि इतर परीक्षा प्रकरणांमुळे आत्महत्या केलेल्या विद्यार्थ्यांच्या कुटुंबीयांना ₹1 कोटींची आर्थिक मदत देण्यात यावी.
- आंदोलनादरम्यान विद्यार्थ्यांवर झालेल्या कथित लाठीचार्जप्रकरणी संबंधित पोलिस अधिकाऱ्यांवर कठोर कारवाई करण्यात यावी.
दीपके यांनी आरोप केला की आंदोलनादरम्यान विद्यार्थ्यांवर अन्याय झाला असून संबंधित अधिकाऱ्यांवर जबाबदारी निश्चित करणे आवश्यक आहे. त्यांच्या या मागण्यांवर केंद्र सरकार कोणती भूमिका घेते, याकडे आता देशभराचे लक्ष लागले आहे.