महाराष्ट्रात Yoga Commission लवकरच? आ. सुधीर मुनगंटीवार यांची विधानसभेत मागणी
मुंबई : महाराष्ट्रात स्वतंत्र Yoga Commission (योग आयोग) तातडीने स्थापन करावा, अशी जोरदार मागणी सुधीर मुनगंटीवार यांनी विधानसभेत (Assembly) अर्धा तास चर्चेदरम्यान केली.
योग हा भारतीय संस्कृतीचा अमूल्य ठेवा असून नरेंद्र मोदी यांच्या पुढाकारामुळे 21 जून हा International Yoga Day (आंतरराष्ट्रीय योग दिन) म्हणून जगभर साजरा केला जातो. विशेष म्हणजे 177 देशांनी या उपक्रमाला मान्यता दिली आहे.
मुनगंटीवार यांनी नमूद केले की, मध्यप्रदेश, गुजरात, हरियाणा, उत्तराखंड व राजस्थान या राज्यांमध्ये आधीच Yoga Commission स्थापन झाले आहेत; मात्र महाराष्ट्र मध्ये अद्याप अशी यंत्रणा नाही, ही खेदजनक बाब असल्याचे त्यांनी सांगितले.
27 जानेवारी 2025 रोजी आपण देवेंद्र फडणवीस यांना यासंदर्भात निवेदन दिले होते. त्यावेळी प्रस्ताव सादर करण्याचे निर्देश देण्यात आले होते; मात्र अजूनही ठोस निर्णय झालेला नाही, याकडे त्यांनी सभागृहाचे लक्ष वेधले.
“योगाला जागतिक स्तरावर नेले गेले, मग महाराष्ट्रात उदासीनता का?” असा सवाल करत त्यांनी राज्यात योगाच्या प्रसार, प्रशिक्षण (Training), संशोधन (Research) आणि आरोग्यदायी जीवनशैलीसाठी स्वतंत्र Yoga Commission अत्यावश्यक असल्याचे स्पष्ट केले. तसेच आठ दिवसांत प्रस्तावाला मंजुरी द्यावी, अशी मागणीही केली.
या चर्चेला उत्तर देताना वैद्यकीय शिक्षण राज्यमंत्री माधुरी मिसाळ यांनी सांगितले की, राज्य सरकार या विषयावर Positive असून गुजरात व राजस्थानच्या धर्तीवर महाराष्ट्रातही Yoga Commission स्थापन करण्याबाबत प्रक्रिया सुरू आहे. सध्या हा प्रस्ताव विधी व न्याय विभागाकडे विचाराधीन आहे.
यासोबतच राज्यात स्वतंत्र AYUSH Ministry (आयुष मंत्रालय) स्थापन करण्याची प्रक्रिया देखील सुरू असल्याची माहिती त्यांनी दिली. लवकरच याबाबत निर्णय घेतला जाईल, असे त्यांनी सभागृहात स्पष्ट केले.
योग क्षेत्रासाठी स्वतंत्र शासकीय यंत्रणा उभी राहिल्यास राज्यातील योगप्रेमी, प्रशिक्षक (Trainers) आणि आरोग्य क्षेत्राला मोठा दिलासा मिळणार आहे.