पाकीस्थानची अनेक गावे तालिबान्यांच्या ताब्यात ; अफगाणिस्तान बॉर्डर सील
 |
| This photo is taken from Google |
विदर्भ माझा न्युज 24 - नई दिल्ली
तालिबान ज्यांचे पालनपोषण पाकिस्तानने केले. आता तोच तालिबान त्याच्या गळ्यातला काटा ठरत आहे. तेहरीक-ए-तालिबान पाकिस्तान म्हणजेच टीटीपीने पाकिस्तानविरुद्ध खुले युद्ध सुरू केले आहे. अफगाणिस्तानला लागून असलेल्या तोरखाम बॉर्डर टर्मिनलवर पाकिस्तानी लष्कर आणि टीटीपी यांच्यात जोरदार गोळीबार सुरू आहे. आतापर्यंत पाकिस्तानचे 4 जवान शहीद झाले आहेत. त्याचबरोबर अनेक पाक सैनिकांना ओलीस ठेवल्याची बाबही समोर आली आहे. खबरदारी म्हणून पाकिस्तानने तोरखाम सीमा सील केली आहे. पाकिस्तानच्या खैबर पख्तुनख्वा प्रांतातील चित्राल जिल्ह्यात टीटीपीने पाकिस्तानी लष्करावर मोठ्या प्रमाणावर हल्ला सुरू केला आहे.
तहरीक-ए-तालिबान म्हणजेच टीटीपीच्या कमांडरने अफगाण मीडियाला सांगितले की, त्यांनी पाकिस्तानातील अनेक गावे ताब्यात घेतली आहेत. सध्या त्याला खराब इंटरनेटची समस्या भेडसावत आहे आणि इंटरनेट पूर्ववत होताच तो छायाचित्रे शेअर करेल. control of Taliban अफगाणिस्तान आणि पाकिस्तानमधून येणाऱ्या वेगवेगळ्या मीडिया रिपोर्ट्समध्ये असा दावाही केला जात आहे की, ड्युरंड रेषेवर पाकिस्तान आणि टीटीपीच्या सैनिकांमध्ये जोरदार गोळीबार सुरू आहे. हे लक्षात घेऊन तोरखाम सीमा सील करण्यात आली आहे. मात्र, पाकिस्तान गावांचा ताबा नाकारत आहे. पाक लष्कराच्या अधिकाऱ्यांचे म्हणणे आहे की, टीटीपीच्या सैनिकांनी पाकिस्तानचा कोणताही भाग ताब्यात घेतलेला नाही.
टीटीपीचे प्रवक्ते मुहम्मद खुरासानी यांनी एक निवेदन जारी करून सीमावर्ती भागात राहणाऱ्या लोकांना शांत राहण्याचे आवाहन केले आहे. खुरासानी यांनी म्हटले आहे की, त्यांचा लढा पाकिस्तानच्या सुरक्षा यंत्रणा आणि सरकारविरोधात आहे. त्याने सर्वसामान्यांचे कोणतेही नुकसान होणार नाही. control of Taliban टीटीपी नोव्हेंबर 2022 पासून पाकिस्तानी लष्कराविरुद्ध युद्ध करत आहे. टीटीपीचे म्हणणे आहे की ते पाकिस्तानच्या सुरक्षा एजन्सींचा पराभव करून तेथील सरकार उलथवून टाकतील. यानंतर तेहरीक-ए-तालिबान तेथे शरिया कायद्यानुसार सरकार स्थापन करेल. आपले ध्येय पूर्ण करण्यासाठी टीटीपीने गेल्या काही महिन्यांत पाकिस्तानमध्ये अनेक मोठे हल्ले केले आहेत.