चंद्रपूर : गंभीर स्वरूपाचे आरोप असलेल्या पोक्सो प्रकरणात मा. जिल्हा व सत्र न्यायालय, चंद्रपूर यांनी आरोपीची सर्व आरोपांतून निर्दोष मुक्तता केली. बचाव पक्षाचे अधिवक्ता संजय प्रभूदयाल बाजपेयी, बल्लारपूर यांच्या प्रभावी युक्तिवादानंतर हा निकाल आरोपीच्या बाजूने लागला.
या प्रकरणात आरोपीविरुद्ध भारतीय दंड संहितेतील कलम 376 (3), 376 (2) (f), 376 (2) (n), 323 तसेच पोक्सो कायदा 2012 मधील कलम 4 व 6 आणि बालन्याय (मुलांची काळजी व संरक्षण) अधिनियम 2015 मधील कलम 75 अंतर्गत आरोप ठेवण्यात आले होते.
अभियोजन पक्षाने आरोप सिद्ध करण्यासाठी विविध साक्षीदार व दस्तऐवजी पुरावे न्यायालयासमोर सादर केले. मात्र, बचाव पक्षाच्या वतीने अधिवक्ता संजय बाजपेयी यांनी सादर केलेले प्रभावी युक्तिवाद, पुराव्यांचे परीक्षण आणि कायदेशीर बाबींवर मांडलेली बाजू न्यायालयासमोर महत्त्वपूर्ण ठरली.
दोन्ही बाजूंचे युक्तिवाद व उपलब्ध पुराव्यांचा विचार केल्यानंतर मा. जिल्हा व सत्र न्यायालय, चंद्रपूर यांनी 20 ऑगस्ट 2026 रोजी आरोपीची सर्व आरोपांतून निर्दोष मुक्तता करण्याचा निर्णय दिला.
या निकालामुळे पोक्सो प्रकरणात बचाव पक्षाच्या वतीने अधिवक्ता संजय बाजपेयी यांनी केलेल्या प्रभावी कायदेशीर युक्तिवादाला यश मिळाले. न्यायालयाच्या निर्णयामुळे संबंधित प्रकरणाचा कायदेशीर निकाल लागला आहे.