पंतप्रधान मोदींकडून इटलीच्या जॉर्जिया मेलोनी यांना ‘Melody’ टॉफी गिफ्ट; #Melodi पुन्हा चर्चेत
मेलोनी यांनी स्वतः या भेटीचा व्हिडिओ सोशल मीडियावर शेअर करत मोदींचे आभार मानले. “Thank you for the gift,” असे लिहित त्यांनी पोस्ट शेअर केली. त्यानंतर #Melodi हा हॅशटॅग पुन्हा एकदा ट्रेंड होत आहे.
 |
| https://x.com/i/status/2056983259633062130 |
‘Melodi’ हॅशटॅगपासून ‘Melody’ टॉफीपर्यंत
गेल्या काही वर्षांत जॉर्जिया मेलोनी आणि नरेंद्र मोदी यांच्या भेटींनंतर सोशल मीडियावर #Melodi हा हॅशटॅग मोठ्या प्रमाणात व्हायरल झाला होता. ‘Meloni’ आणि ‘Modi’ यांच्या नावांपासून तयार झालेला हा शब्द दोन्ही नेत्यांच्या मैत्रीचे प्रतीक मानला जाऊ लागला.
यावेळी मोदींनी याच ट्रेंडला मजेशीर ट्विस्ट देत मेलोनींना ‘Melody’ टॉफी भेट दिली. त्यामुळे सोशल मीडियावर अनेकांनी याला “Smart Diplomacy” आणि “Chocolate Diplomacy” असे नाव दिले आहे.
इटली दौऱ्यात महत्त्वाच्या चर्चा
पंतप्रधान मोदी सध्या पाच देशांच्या दौऱ्याच्या शेवटच्या टप्प्यात इटलीमध्ये आहेत. या दौऱ्यात भारत-इटली व्यापार, संरक्षण, तंत्रज्ञान आणि सांस्कृतिक सहकार्य यांसारख्या महत्त्वाच्या विषयांवर दोन्ही देशांमध्ये चर्चा होण्याची शक्यता आहे.
रोममध्ये ‘काशीची झलक’
इटली दौऱ्यात मोदींनी रोममधील भारतीय संस्कृतीशी असलेल्या एका खास नात्याची झलकही शेअर केली. त्यांनी इटालियन चित्रकार Giampaolo Tomassetti यांची भेट घेतली.
भारतीय संस्कृती आणि वाराणसीवर आधारित त्यांच्या कलाकृती मोदींना भेट देण्यात आल्या. मोदींनी सांगितले की, तोमासेत्ती गेल्या चार दशकांपासून भारतीय संस्कृतीशी जोडलेले आहेत आणि त्यांनी महाभारतावर आधारित 23 भव्य चित्रे तयार केली आहेत.
2022 पासून वाढली मैत्री
Narendra Modi आणि Giorgia Meloni यांची पहिली भेट 2022 मध्ये इंडोनेशियातील G20 परिषदेत झाली होती. त्यानंतर दोन्ही नेत्यांमध्ये अनेकदा भेटी झाल्या असून सोशल मीडियावर त्यांची मैत्री कायम चर्चेत राहिली आहे.
आता ‘Melody’ टॉफीच्या या खास भेटीनंतर भारत-इटली संबंधांमध्ये आणखी “गोडवा” वाढल्याची चर्चा रंगत आहे.