Support Wings Foundation चे देशव्यापी कार्य; 10 हजार युवक स्वयंसेवक समाजबदलासाठी सक्रिय
यवतमाळ : युवकांनी पुढाकार घेऊन समाजातील विविध प्रश्नांवर प्रभावी काम करणारी सपोर्ट विंग्स फाउंडेशन ही युवकांनी चालवलेली सामाजिक संस्था आज देशपातळीवर आपली वेगळी ओळख निर्माण करत आहे. यवतमाळ, महाराष्ट्र येथे स्थापन झालेल्या या संस्थेने अल्पावधीतच भारतातील 22 हून अधिक राज्ये व 70 पेक्षा जास्त शहरांमध्ये आपले कार्य विस्तारले आहे.
सुमारे 10,000 हून अधिक युवक स्वयंसेवकांच्या सहभागातून संस्था विविध सामाजिक उपक्रम राबवत असून, समाजाच्या तळागाळातील घटकांपर्यंत पोहोचण्यावर भर देण्यात येत आहे. समाजातील बदल हा थेट समुदाय पातळीवरूनच शक्य आहे, या विश्वासातून संस्थेचे कार्य पुढे जात आहे.
संस्थेच्या प्रमुख उपक्रमांमध्ये मासिक पाळी आरोग्य व स्वच्छतेविषयी जनजागृती, वंचित व गरजू मुलांसाठी शैक्षणिक मदत, अन्न व वस्त्र वितरण, स्वच्छता व नागरी जनजागृती, प्राणी कल्याण तसेच वंचित समुदायांसोबत सण-उत्सव साजरे करणे यांचा समावेश आहे. हे सर्व उपक्रम सातत्याने आणि नियोजनबद्ध पद्धतीने राबवले जात आहेत.
या उपक्रमांचे वैशिष्ट्य म्हणजे त्यांचे संपूर्ण नियोजन व अंमलबजावणी युवक स्वयंसेवकांकडूनच केली जाते. त्यामुळे युवकांना प्रत्यक्ष अनुभवातून नेतृत्व, सामाजिक जबाबदारी आणि संघटन कौशल्य विकसित करण्याची संधी मिळत आहे. राष्ट्रनिर्मितीत युवकांचा सक्रिय सहभाग वाढवणारे सपोर्ट विंग्स फाउंडेशनचे कार्य समाजासाठी प्रेरणादायी ठरत आहे.