मुल तालुका, शहर व महिला कांग्रेसच्या वतीने ओबीसींचे आरक्षण संपविणाऱ्या मोदी सरकारचा निषेध....
ओबीसींची जनगणना झाली पाहिजे- संतोषसिंह रावत
(विदर्भ माझा न्युज 24 - तालुका प्रतिनिधी)संदिप तेलंग,मुल :-
ओबीसींची फसवणुक करणाऱ्या मोदी सरकारचा आणि उलटा-चोर कोतवालको दाटे अशी भूमिका घेऊन खोटे बोलणाऱ्या तत्कालीन फडणवीस सरकारचा निषेध असो, सर्वत्र महागाई, बेरोजगारी, वाढविणाऱ्या केंद्र सरकारचा जाहीर निषेध करण्यासाठी आणि ओबीसी संवर्गातील सर्वांना आरक्षण मिळण्यासाठी ओबीसींची जनगणना झालीच पाहिजे,शेतकऱ्यांना, विद्यार्थ्यांना, कर्मचाऱ्यांना, राज्य घटनेने दिलेले अधिकार मिळालाच पाहिजे असे मार्गदर्शन चंद्रपूर जिल्हा मध्यवर्ती सहकारी बँकेचे अध्यक्ष तथा माजी जि. प.अध्यक्ष संतोषसिंह रावत यांनी कांग्रेसच्या निषेध आंदोलना मध्ये करून मोदी सरकारचा निषेध केला.
ओबीसी आरक्षणाचे जनक राजश्री शाहू महाराज यांच्या जयंतीनिमित्त सामाजिक न्याय दिनी मुल तालुका व शहर आणि महिला कांग्रेस कमिटीच्या वतीने गांधी चौक मुल येथे निषेध आंदोलन करण्यात आला. याप्रसंगी तालुका कांग्रेस कमिटीच्या कार्यालयात ओबीसी आरक्षण रद्द करणाऱ्या मोदी सरकारवर बंदुभाऊ गुरनुले, कृषी उत्पन्न बाजार समितीचे संचालक डाँक्टर पद्माकर लेनगुरे, माळी महासंघाचे विभागीय महासचिव गुरू गुरनुले, कांग्रेस ओबीसी सेलचे अध्यक्ष गुरुदास चौधरी, माजी जि. प.सदश मंगला आत्राम, कृषी बाजार समितीचे संचालक किशोर घडसे,युवक अध्यक्ष पवन निलमवार, शहर उपाध्यक्ष सुरेश फुलझेले यांनी आरक्षणावर आपले परखड विचार व्यक्त करून निषेध केला.
