जिल्ह्यात एकाच कुटुंबातील 9 जणांनी केली आत्महत्या......
विदर्भ माझा न्युज 24 - सांगली
सांगली जिल्ह्यात सोमवारी एक अत्यंत वेदनादायक घटना समोर आली आहे. जिल्ह्यातील म्हैसाळमध्ये एकाच कुटुंबातील नऊ जण त्यांच्याच घरात मृतावस्थेत आढळून आले आहेत.
माहिती मिळताच पोलिसांनी घटनास्थळ गाठून तपास सुरू केला. जिल्हा पोलीस अधीक्षक दीक्षित गेडाम यांनी याबाबत माहिती दिली. त्यांनी सांगितले की, आम्हाला एका घरात नऊ जणांचे मृतदेह सापडले आहेत. तीन मृतदेह एकाच ठिकाणी आणि उर्वरित सहा घराच्या वेगवेगळ्या भागात सापडले.
आत्महत्येच्या शक्यतेबाबत ते म्हणाले की, प्रथमदर्शनी हे प्रकरण आत्महत्येचे असल्याचे दिसते, परंतु आम्ही इतर द्रुष्टीकोनातुनही तपास करत आहोत. ते पुढे म्हणाले की, सध्या पोलीस घटनास्थळी असून मृत्यूच्या कारणाचा शोध सुरू आहे.
त्याचवेळी आणखी एका पोलीस अधिकाऱ्यानेही आत्महत्येची शक्यता व्यक्त केली आहे. त्यांनी सांगितले की, मृताने काही विषारी द्रव्य प्राशन केले असावे, असा संशय आहे. मात्र, शवविच्छेदन अहवाल आल्यानंतरच मृत्यूचे नेमके कारण स्पष्ट होईल. या घटनेनंतर परिसरात तणावाचे वातावरण होते.